Official Website

عمران خان کا نام ای سی ایل میں ڈالنے کی درخواست پر سماعت آج ہوگی

39

مبینہ خط کی تحقیقات اور سابق وزیر اعظم عمران خان کا نام ای سی ایل میں ڈالنے کی درخواست سماعت آج اسلام آباد ہائیکورٹ میں ہو گی۔

اسلام آباد ہائیکورٹ کے چیف جسٹس اطہر مِن اللہ شہری مولوی اقبال حیدر کی جانب سے دائر درخواستوں پر سماعت کریں گے۔

درخواست گزار کی جانب سے وزیراعظم عمران خان کے علاوہ سابق وزیر اطلاعات فواد چوہدری، سابق وزیر خارجہ شاہ محمود قریشی، سابق ڈپٹی اسپیکر قاسم سوری اور امریکا میں سابق پاکستانی سفیر اسد مجید کا نام بھی ای سی ایل میں ڈالنے کی استدعا کی گئی ہے۔

درخواست میں کہا گیا ہے کہ سیکرٹری داخلہ کو عمران خان اور سابق وزراء کے خلاف مبینہ خط سے متعلق انکوائری کا حکم دیا جائے اور درخواست پر فیصلہ ہونے تک تمام افراد کے نام ای سی ایل میں ڈالے جائیں۔