Official Website

وزیراعظم کا راول چوک فلائی اوور کا دورہ، منصوبے کی تاخیر پر تحقیقات کا حکم

27

اسلام آباد:  وزیراعظم شہباز شریف نے صبح سویرے راول چوک فلائی اوور کا دورہ کیا۔ وزیراعظم نے منصوبے کی تاخیر میں تحقیقات کا حکم دے دیا۔

وزیراعظم شہباز شریف نے کہا کہ تحقیقات تھرڈ پارٹی سے کروائی جائیں۔ کمپنی کی نااہلی کی وجہ سے منصوبے کا کام مکمل نہ ہوسکا، کمپنی کو نااہلی کے باعث بلیک لسٹ کیوں نہیں کیا گیا ؟ ماضی میں اسطرح کے منصوبے چھ ماہ میں مکمل کیے گئے۔

شہباز شریف نے کہا کہ عوامی دلچسپی کے منصوبوں کو بروقت مکمل کیا جانا چاہیے، غریب عوام کا پیسہ ضائع کیا جا رہا ہے، منصوبے کا آغاز اکتوبر دو ہزار بیس میں ہوا تھا لیکن مکمل نہیں ہوسکا۔