سی پی این ای کے اعلیٰ سطح کے وفد کی چیئرمین پی ٹی آئی عمران خان سے ملاقات

کونسل آف پاکستان نیوز پیپرز ایڈیٹرز (سی پی این ای) کے اعلیٰ سطح کے وفد نے چیئرمین پی ٹی آئی عمران خان سے ملاقات کی۔

ملاقات میں دوطرفہ معاملات اور باہمی دلچسپی کے امور پر تبادلہ خیال کیا گیا۔ عمران خان نے فیک نیوز کو بڑا مسئلہ قرار دیا اور کہا کہ تحریک انصاف آزاد اور ذمہ دار میڈیا کی افزائش و نمو کی مکمل حوصلہ افزائی کرتی ہے۔

اس موقع پر صدر سی پی این ای کاظم خان نے کہا کہ فیک نیوز اور آزادی اظہار دو مختلف چیزیں ہیں۔ میڈیا کو مورد الزام ٹھہرانے کی بجائے اپنی غلطیوں کی اصلاح ضروری ہے۔

اس موقع پر مبینہ بیرونی سازش، ملکی سیاست میں مداخلت اور حکومت کی تبدیلی پر بھی گفتگو کی گئی۔

عمران خان نے کہا کہ انہیں اور ان کی اہلیہ کو بطورِ خاص ’فیک نیوز‘ کا نشانہ بنایا جارہا ہے، افواہ سازی اور فیک نیوز کے تدارک میں کلیدی کردار اہلِ صحافت کا ہے۔