عمران خان عید پر اپنے جھوٹ اور زبان کو آرام دیں: مریم اورنگزیب
وفاقی وزیر اطلاعات مریم اورنگزیب نے سابق وزیراعظم عمران خان کے نجی ٹی وی کو دیے گئے انٹرویو پر انہیں تنقید کا نشانہ بنایا۔
ایک بیان میں مریم اورنگزیب نے کہا کہ عمران صاحب، عوام کو عید کا مبارک اور خوشیوں کا دن منانے دیں، عوام کو چار سال بعد مہنگائی سے کچھ ریلیف اورخوشیوں بھری عید نصیب ہوئی ہے۔
انہوں نے کہا کہ عمران خان عید پر اپنے جھوٹ اور زبان کو آرام دیں، عید پر اپنی ناکامیوں، وعدہ خلافیوں، کرپشن اور چوریوں کا ماتم بند کریں، 22کروڑ عوام کی خوشیاں بدمزہ نہ کریں۔