دورہ یورپ؛ پاکستانی ہاکی ٹیم نے اسپین کو شکست دیدی

دورہ یورپ کے چوتھے میچ میں پاکستان نے اسپین کو ایک کے مقابلے میں چار گول سے شکست دیدی.

ایکسپریس نیوز کے مطابق دورہ یورپ کے لیے اسپین سے شیڈول پہلے میچ میں پاکستان نے مقابل ٹیم پر ایک کے مقابلے چار گول سے فتح حاصل کرلی۔

کھیل کے پہلے کوارٹر میں پاکستان کی جانب سے پہلا گول رضوان نے شارٹ کارنر کے زریعے اسکور کیا، پھر دوسرے کوارٹر میں پاکستان نے مبشر کی جانب سے شارٹ کارنر کی مدد سے دوسرا گول کرکے میچ میں صفر کے مقابلے میں دو گول کی برتری حاصل کرلی۔
پاکستان کی جانب سے تیسرا فیلڈ گول اعجاز علی نے اسکور کیا جس کی مدد سے پہلے ہاف کے اختتام پر پاکستان نے اسپین کی ٹیم پر صفر کے مقابلے میں تین گول کی برتری حاصل کی۔

دوسرے ہاف کے چوتھے کوارٹر میں پاکستان کے رومان نے چوتھا گول اسکور کیا جب کہ آخری لمحات میں اسپین کی ٹیم میچ کا واحد گول کرنے میں کامیاب ہوئی۔

پاکستان نے مقابلہ مقررہ وقت کے اختتام پر اسپین سے ایک کے مقابلے میں چار گول سے جیت لیا۔

واضح رہے کہ پاکستان دو میچز کی سیریز کا دوسرا میچ 4 مئی کو اسپین کے خلاف بارسلونا میں کھیلے گا.