Official Website

بابراعظم کا ویرات کولہی کو مضبوط رہنے کا پیغام

54

لاہور: پاکستان کرکٹ ٹیم کے کپتان بابر اعظم نے آؤٹ آف فارم بھارتی بیٹسمین اورسابق کپتان ویرات کولہی کو حوصلہ افزا پیغام دے دیا۔

قومی ٹیم کے کپتان بابر اعظم نے خراب فارم کے باعث مشکلات کا سامنا کرتے سابق بھارتی کپتان ویرات کولہی کا حوصلہ بڑھانے کے لئے ٹوئٹر پرپیغام میں کہا کہ یہ وقت بھی گزر جائے گا۔ مضبوط رہیں۔بابر اعظم نے ٹوئٹ میں ٹی 20 ورلڈ کپ کے دوران لی گئی اپنی اورویرات کولہی کی تصویربھی شئیرکی۔

بھارت کے اسٹار بیٹسمین ویرات کوہلی کوحالیہ ناقص کارکردگی کے باعث شدید تنقید کا سامنا ہے۔بھارتی کرکٹ بورڈ نے دورہ ویسٹ انڈیز کے لئے آؤٹ آف فارم ویرات کولہی کو ڈراپ کردیا ہے۔

بھارتی میڈیا کے مطابق سابق کپتان ویرات کوہلی کو دورہ ویسٹ انڈیز کے لیے آرام دیا گیا ہے۔ کولہی پہلے آؤٹ آف فارم تھے اور اب فٹنس کے مسائل سے دوچار ہیں۔