Official Website

شامی شہر حلب کے بین الاقوامی ائیرپورٹ پر اسرائیل کا میزائل حملہ

19

شامی میڈیا کے مطابق فوجی ذرائع کا کہنا ہے کہ حلب کے ایئرپورٹ پر اسرائیل کی جانب سے میزائل حملہ کیا گیا ہے۔

شامی میڈیا کے مطابق مقامی وقت کے مطابق 8 بجے کے قریب اسرائیل کی جانب سے حلب کے انٹرنیشنل ائیرپورٹ کو نشانہ بنایا گیا جس سے ائیرپورٹ پر جزوی نقصانات ہوئے ہیں تاہم حملے کے نتیجے میں ہلاکتوں کے حوالے سے کوئی وضاحت نہیں کی گئی ہے۔

شام میں وسیع معلوماتی ذرائع کی حامل برطانوی آبزرویٹری فار ہیومن رائٹس کی جانب سے حلب پر حملے کی تصدیق کی گئی ہے۔

ان کے مطابق چار اسرائیلی میزائلوں کے ذریعے حلب ائیرپورٹ کے رن وے اور ڈیپو کو نشانہ بنایا گیا جہاں خدشہ ظاہر کیا جا رہا تھا کہ ایرانی میزائل رکھے گئے ہیں۔

واضح رہے کہ اسرائیل کی جانب سے 2011 سے لیکر اب تک شام پر سیکڑوں حملے کیے گئے ہیں۔