Official Website

سونے کی قیمت میں معمولی اضافہ

29

کراچی: پاکستان میں سال نو کے پہلے روز سونے کی قیمت میں مجموعی طور پر 371 روپے اضافہ ریکارڈ کیا گیا۔

وائس آف پاکستان کے مطابق انٹرنیشنل بلین مارکیٹ میں ٹریڈنگ کے دوران سونے کی فی اونس قیمت میں 10 ڈالرز کا اضافہ ہوا، جس کے بعد قیمت 1830 ڈالرز تک پہنچ گئی۔

عالمی مارکیٹ میں اضافے کے باوجود مقامی صرافہ بازاروں میں قیمتوں میں معمولی اضافہ دیکھا گیا۔ جیولرز مینوفیکچررز ایسوسی ایشن کے مطابق آج یکم جنوری 2022 بروز ہفتہ فی تولہ سونے کی قیمت 200 روپے اضافے کے ساتھ 1 لاکھ 26 ہزار 200 روپے تک پہنچ گئی۔

اسی طرح دس گرام سونے کی قیمت 171 روپے بڑھ کر 1 لاکھ 8 ہزار 196 روپے تک پہنچ گئی۔ کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں خرید و فروخت نئے ریٹ کے ساتھ ہوئی۔

دوسری جانب فی تولہ چاندی کی قیمت بغیر کسی تبدیلی کے 1460 روپے اور دس گرام چاندی کی قیمت 251 روپے 71 پیسے پر مستحکم رہی۔