Official Website

پشاورہائی کورٹ: خیبر پختونخوا میں 27 مارچ کو ہونیوالے بلدیاتی انتخابات ملتوی

39

پشاور:  پشاورہائی کورٹ ایبٹ آباد بینچ نے خیبر پختونخوا میں 27 مارچ کو ہونیوالے بلدیاتی انتخابات ملتوی کر دیئے۔

پشاور ہائیکورٹ کے ایبٹ آباد بینچ میں الیکشن ملتوی کرنے سے متعلق دائر درخواست پر سماعت ہوئی، جسٹس ابراہیم اور جسٹس شکیل احمد پر مشتمل بنچ نے فیصلہ سنایا، فیصلے میں عدالت کا کہنا تھا کہ چیف الیکشن کمشنر رمضان المبارک کے بعد بلدیاتی الیکشن کروائیں ۔

فیصلے میں کہا گیا ہے کہ موجودہ حالات میں پہاڑی علاقوں میں صاف اورشفاف انتخابات کا انعقاد ممکن نہیں لگتا، برفباری کے باعث متعدد علاقوں کےعوام کو ووٹ ڈالنے میں مشکلات ہیں، کوہستان اور ناران کےعمائدین نے ہائیکورٹ ایبٹ آباد بینچ میں الیکشن ملتوی کرنے کی درخواست دائرکی تھی۔