Official Website

انگلش کرکٹر فلنٹوف نے شعیب اختر سے معافی کیوں مانگی تھی؟

62

قومی ٹیم کے سابق فاسٹ بولر شعیب اختر نے انگلش کرکٹر فلنٹوف اور اپنے درمیان پیش آئے ایک واقعے کا انکشاف کیا ۔

پروگرام جشن کرکٹ میں گفتگو کرتے ہوئے سابق فاسٹ بولر نے بتایا کہ انگلش کرکٹر اینڈریو فلنٹوف نے ان سے معافی مانگی تھی۔

شعیب اختر کا کہنا تھا کہ پہلے فلنٹوف نے میرے ساتھ بدتمیزی کی، اس نے مجھے کہا کہ تم ٹارزن کی طرح دکھتے ہو لیکن بال لڑکی کی طرح کرتے ہو۔

سابق کرکٹر نے بتایا کہ اس کے بعد میرے گھٹنے خراب ہوئے جس کے لیے میں ڈاکٹر کے پاس گیا اور درخواست کی کہ میرے گھٹنے ٹھیک کردیں اور ڈاکٹر نے ٹیکے لگاکر میرے گھٹنے سن کردیے۔

انہوں نے کہا کہ بعد ازاں فیصل آباد میں میچ کے دوران فلنٹوف کا سامنا ہوا تو میں نے انہیں گیندیں ماریں جس کے بعد انہوں نے مجھ سے معافی مانگی۔

فلنٹوف نے مجھ سے کہا کہ ’مجھ سے غلطی ہوگئی میں تمہیں چھوڑوں گا نہیں‘۔

شعیب اختر نے مزید بتایا کہ اس کے بعد میں نے سوچا کہ یہ لوگ میری بال کے لیے تیار ہیں تو میں نے مختلف طرح سے بال کروانا شروع کی، یہی وجہ تھی کہ آخری ٹیسٹ میچ میں میرا بال کروانے کا انداز مختلف تھا۔