Official Website

آسٹریلیا کی سری لنکا کو بارش سے متاثرہ پہلے ٹی ٹوئنٹی میں 20 رنز سے شکست

70

سڈنی: (ویب ڈیسک) آسٹریلیا نے سری لنکا کو بارش سے متاثرہ پہلے ٹی ٹوئنٹی میں 20 رنز سے شکست دے دی۔ شاندار بولنگ پرفارمنس پر ایڈم زیمپا مین آف دی میچ قرار دیئے گئے۔

سڈنی میں کھیلے گئے میچ میں آسٹریلیا نے پہلے بیٹنگ کرتے ہوئے 9 وکٹ پر 149 رنز بنائے، بین میک ڈرموٹ 53 رنز بنا کر نمایاں رہے۔ بارش کے باعث سری لنکا کو انیس اوورز میں 142 رنز کا ہدف ملا، سری لنکن بلے باز مقررہ اوورز میں 122 رنز ہی بنا سکے۔

جوش ہیزل ووڈ نے 4 اور ایڈم زیمپا نے 3 وکٹیں حاصل کیں، آسٹریلیا کو پانچ ٹی ٹوئنٹی میچز کی سیریز میں ایک صفر کی برتری حاصل ہوگئی۔