Official Website

ڈالر کی قیمت 177 روپے سے تجاوز کر گئی

59

کراچی: روس اور یوکرین کے درمیان تنازعاور عالمی مارکیٹ میں خام تیل کی قیمت بڑھنے سے انٹربینک اور اوپن مارکیٹ میں ڈالر کی قیمت میں اضافہ ہوا۔

 خام تیل کی عالمی قیمت بڑھنے سے آنے والے دنوں میں درآمدی بل مزید بڑھنے جیسے عوامل کے باعث زرمبادلہ کی دونوں مارکیٹوں میں جمعہ کو بھی روپے کے مقابلے میں ڈالر کی اڑان تیز رہی۔

حالیہ تیزی کے نتیجے میں ڈالر کے انٹربینک میں امریکی ڈالر کی قیمت 177 روپے سے تجاوز کرگئی اور 72 پیسے کے اضافے سے 177.11 روپے کی سطح پر بند ہوئی جبکہ اوپن کرنسی مارکیٹ میں ڈالر کی قدر 20 پیسے اضافے سے 178.50 روپے کی سطح پر بند ہوئی۔