Official Website

یوکرین میں مغربی ہتھیار سپلائی کرنے والوں کو نشانہ بنا سکتے ہیں: روس

52

ماسکو: (ویب ڈیسک) روس نے کہا ہے کہ یوکرین میں مغربی ہتھیار سپلائی کرنے والوں کو نشانہ بنا سکتے ہیں۔

اے ایف پی کے مطابق روس کے ڈپٹی وزیر خارجہ سرگئی ریابکوو نے کہا کہ ہم نے امریکا کو خبردار کیا تھا کہ مختلف ممالک سے یوکرین میں ہتھیار بھیجنا نہ صرف ایک خطرناک چال ہے، بلکہ اس کی وجہ سے روسی فوج نشانہ بن سکتی ہے۔

ان کا کہنا تھا کہ ماسکو نے یوکرین کو مہیا کیے جانے والے ہتھیاروں کے نتائج بارے خبردار کیا تھا جن میں ایک آدمی کی مدد سے چلنے والا ایئر ڈیفینس سسٹم، اینٹی ٹینک میزائل سسٹم اور اس طرح کے دیگر ہتھیار شامل ہیں۔

روس کے ڈپٹی وزیر خارجہ نے کہا کہ امریکا نے روس کی وارننگ کو سنجیدگی سے نہیں لیا۔ یوکرین کے معاملے پر امریکا اور روس کے درمیان کو بات چیت نہیں ہو رہی۔

اس سے قبل جمعے کو روس کے صدر ولادیمیر پیوٹن نے یوکرین کی جنگ میں حصہ لینے کے لیے مشرق وسطیٰ سے 16 ہزار جنگجوؤں کو بھرتی کرنے کے منصوبے کی منظوری دے دی ہے۔